Нийслэлийн Хүний нөөцийн хөгжлийн хэлтэс нь 2017 оноос хойш нийслэлийн нутгийн захиргааны байгууллагын албан хаагчдын сургалтын хэрэгцээ шаардлагад үндэслэн нийт 30 сургалтын агуулга, хөтөлбөрийг боловсруулан, ажлын байрны ур чадвар, ажлын байрны цахим хэрэглээ, зөөлөн ур чадвар, ахисан түвшний ур чадвар хөгжүүлэх чиглэлээр танхимын болон онлайн сургалтыг зохион байгуулж байна.

Манай төв нь сургалтын хөтөлбөрийг хэрэгжүүлэхдээ олон улсад ашиглагддаг, үр дүнтэй сургалтын зарчим болох 70:20:10 зарчмыг баримталж байна.

Сургалтын хөтөлбөрөө үр дүнтэй хэрэгжүүлэхийн тулд дээрх зарчмын дагуу суралцагчдад онолын мэдлэг олгоод зогсохгүй түүнийг бататгах харилцан суралцах арга зүйг нэвтрүүлэх, сургалтаас олж авсан мэдлэгийг ажлын байран дээр хэрэгжүүлэхэд дэмжих зэрэгт анхааран ажиллаж байна.

Харилцан суралцах арга зүйн зорилго

Харилцан суралцах арга зүй нь практик үр дүнд суурилсан, ижил түвшний байгууллага, албан хаагчид хоорондоо харилцан бие биеэсээ суралцаж, сайн туршлагыг солилцох замаар өөрсдийн чадавхыг бэхжүүлж, тасралтгүй сайжрах, хөгжих арга барил юм.

• Нийслэлийн нутгийн захиргааны байгууллагын чадавхыг бэхжүүлэх;
• Сайн туршлагыг дэлгэрүүлэх;
• Нийслэлийн нутгийн захиргааны байгууллагын харилцааг хөгжүүлэх платформыг бий болгох;
• Сайн туршлагыг дэлгэрүүлэх замаар салбарын болон үндэсний хэмжээний бодлогод нөлөө үзүүлэх юм.