ЧАДВАРЛАГ ажилтан
хотын ИРЭЭДҮЙ
НЗДТГ-ын Хүний нөөцийн хөгжлийн хэлтэс нь Нийслэлийн Засаг даргын Тамгын газар Азийн сантай хамтран хэрэгжүүлж буй Хотын засаглалыг сайжруулах төслийн хүрээнд Швейцарын хөгжлийн агентлагын санхүүгийн дэмжлэгтэйгээр 2017 онд “Нийслэлийн сургалт, судалгааны төв” нэртэйгээр байгуулагдсан бөгөөд төрийн албан хаагчдын хариуцлагыг өндөржүүлэх, чирэгдэлүй төрийн үйлчилгээг бий болгохын тулд нийслэлийн нутгийн захиргааны байгууллагуудын албан хаагчдын чадавхийг нэгдсэн цогц бодлогоор байнга давтамжтай дээшлүүлэх хөтөлбөрийг боловсруулж, амжилттай хэрэгжүүлж ирсэн.
Төрийн албан хаагчдыг чадавхжуулах нь нийслэлийн төдийгүй улсын хэмжээний хөтөлбөр, урт хугацааны хөгжлийн бодлогод тусгагдсан чухал зорилтуудын нэг юм. Үүнийг “Алсын хараа-2050” Монгол Улсын урт хугацааны хөгжлийн бодлогод "Төрийн албан хаагчийн албан тушаалын ангилал, зэрэглэл, чиг үүргийн онцлогт тохирсон үе шаттай, тасралтгүй сургалтын тогтолцоог төлөвшүүлнэ", Засгийн газрын 2020-2024 оны үйл ажиллагааны хөтөлбөрт "Төрийн албаны хүний нөөцийг чадавхжуулж, төрийн албан хаагчийн сургалтын байгууллагын материаллаг орчныг сайжруулж, орчин үеийн шаардлагад нийцсэн сургалтын орчин, дэд бүтэц бий болгоно" хэмээн тусгаснаас харж болно.
Манай төв нь 2020 оноос Чанарын Менежментийн тогтолцооны ISO9001:2015, Боловсролын Менежментийн тогтолцооны ISO21001:2018 стандартыг үйл ажиллагаандаа амжилттай нэвтрүүлж, тасралтгүй сайжруулснаар 2022 онд ХБНГУ-ын хөндлөнгийн хараат бус DAkkS-ийн итгэмжлэлтэй UniCert олон улсын баталгаажуулалтын байгууллагын гэрчилгээ авсан нь Монгол Улсын төдийгүй олон улсын стандартад нийцсэн бүтээгдэхүүн, үйлчилгээг хүргэх, байнга тасралтгүй сайжрах, тогтвортой байдлаа хангах том алхам болсон юм.
Манай хамт олон төрийн албан хаагчдын хэрэгцээ шаардлагад нийцсэн, чадамжийн тогтолцоонд суурилсан сургалтын агуулга, хөтөлбөрийг боловсруулан, сайжруулж, чанартай сургалтын үйлчилгээ үзүүлж, нийгмийн шаардлагад нийцсэн төрийн үйлчилгээний соёл, стандартыг бий болгохыг зорин ажиллаж байна.
Үйл ажиллагааны үндсэн чиглэл
Албан хаагчдын чадавхыг бэхжүүлэх, харилцаа хандлагыг сайжруулахад чиглэсэн сургалт, арга хэмжээг тогтмол зохион байгуулж байна.
Ажлын байрны ур чадвар, Ажлын байрны цахим хэрэглээ, Зөөлөн ур чадвар, Ахисан түвшний ур чадвар олгох үндсэн дөрвөн чиглэлээр төлөвлөгөөт болон захиалгат сургалт зохион байгуулахаас гадна мэргэшүүлэх хөтөлбөрүүдийг хэрэгжүүлдэг. Мөн бие даан судлах E-Learning сургалтыг санал болгож байна.
Төлөвлөгөөт сургалтын хуваарийг боловсруулахдаа жил бүрийн 11 дүгээр сард нутгийн захиргааны байгууллагуудын албан хаагчдаас авдаг “Сургалтын судалгаа”-ны үр дүнд суурилан, тэдний хэрэгцээнд тулгуурладаг. Харин захиалгат сургалтын хуваарийг хамт олон, албан байгууллагаас ирүүлсэн хүсэлтийн дагуу төлөвлөн зохион байгуулдаг.
Албан хаагчдын харилцаа хандлага, идэвх санаачилгыг сайжруулах зорилгоор Уулын алхалт, Мэтгэлцээний тэмцээн зохион байгуулахаас гадна Менторшип хөтөлбөрийг хэрэгжүүлж байна.
Төрийн албан хаагчдын хэрэгцээ шаардлагад нийцсэн чанартай агуулга боловсруулна.
Цаг үеийн нөхцөл байдал, технологийн дэвшил, нийгэм эдийн засгийн өөрчлөлт зэрэг олон хүчин зүйлээс шалтгаалан төрийн албан хаагчид шинэ ур чадвар эзэмших, тасралтгүй суралцах, шинэ мэдлэг, мэдээллээр хангагдах хэрэгцээ шаардлага байнга үүсдэг. Үүнтэй зэрэгцэн төрийн албан хаагчдын сургалтын хэрэгцээ, шаардлага өөрчлөгдөн шинэчлэгдэж байдаг тул Нийслэлийн Хүний нөөцийн хөгжлийн төвөөс нийслэлийн нутгийн захиргааны байгууллагуудын албан хаагчдын сургалтын хэрэгцээний үнэлгээг хоёр жил тутамд үнэлэн, үнэлгээний үр дүнд тулгуурлан сургалтын агуулга, хөтөлбөрийг боловсруулдаг. Агуулга боловсруулах олон улсын тэргүүн туршлагыг судлан шинжилж, аргачлалыг тодорхойлдог учир төрийн албан хаагчдын хэрэгцээнд бүрэн нийцсэн чанартай сургалтыг хүргэж чаддаг бөгөөд 2015 оноос хойш нийт 34 агуулга боловсруулаад байна.
Нийслэлийн Хүний нөөцийн хөгжлийн төв олон улсын байгууллагуудтай хамтран ажиллаж байсан ажлын туршлага, мэргэжлийн ур чадвартаа тулгуурлан дараах зөвлөх үйлчилгээнүүдийг мэргэжлийн өндөр түвшинд үзүүлдэг.
- Төрийн албан хаагчдад зориулсан сургалтын агуулга, хөтөлбөр боловсруулах
- Төрийн байгууллагын дэргэд сургалтын төв байгуулах
- Төрийн албан хаагчдад зориулсан сургалтын агуулга, хөтөлбөр хамтран боловсруулах
- Сургагч багш бэлтгэх болон багшлах ур чадварыг дээшлүүлэх зөвлөх үйлчилгээ
- Олон улсын стандарт нэвтрүүлэх зөвлөх үйлчилгээ үзүүлж байна.
Хүний нөөцийн хөгжлийн төв нь нэгдсэн менежментийн тогтолцоог хэрэгжүүлэгч байгууллагын хувьд өөрийн туршлага, арга барилаасаа хуваалцан төрийн байгууллагуудад Чанарын менежментийн тогтолцооны ISO9001:2015 стандартыг нэвтрүүлэхэд зөвлөх үйлчилгээ үзүүлнэ.
Ур чадварыг тасралтгүй хөгжүүлж эерэг хандлагыг төлөвшүүлэх замаар төрийн бүтээмж, үйлчилгээг нийгмийн шаардлагад нийцүүлэн хүргэх албан хаагчийг бэлтгэнэ.
Төрийн албаны манлайлагчдыг бэлтгэдэг орчин цагийн мэргэшсэн сургалтын байгууллага байна.
- Тасралтгүй суралцагч
- Шинийг эрэлхийлэгч
- Хамтдаа бүтээгч
Төлөөлөн удирдах зөвлөл
Манай хамт олон
Хөгжлийн замнал
- 2023ХАМТЫН АЖИЛЛАГАА
Америкийн Нэгдсэн Улсын Вашингтон хотын Потомакийн их сургуультай хамтын ажиллагааны гэрээ байгуулав.
Боловсролын байгууллагын менежментийн тогтолцооны ISO 21001:2018 стандартын магадлан аудитад оров.
Нидерланд улсын Гааг хотын Нутгийн удирдлагын академиас 2 хөтөлбөр, Австрали улсын Тафе сургалтын байгууллаас 4 сургалтын хөтөлбөрөөр сургагч багш бэлтгэн сургалтын агуулгыг нутагшуулав.
- 2022БҮТЭЦ
Нийслэлийн Засаг даргын Тамгын газрын Хүний нөөцийн хөгжлийн төв болон үйл ажиллагаагаа өргөжүүлэв.
Нидерланд, Австрали зэрэг олон улсын сургалтын байгууллагуудтай хамтын ажиллагааг өргөжүүлж сургалтын хөтөлбөр авах, сургагч багш бэлтгэх чиглэлээр хамтарч ажиллах гэрээг байгуулав.
- 2021ӨРГӨЖҮҮЛЭХ
Үйл ажиллагааг өргөжүүлж Удирдлагын академитай хамтарсан сургалт зохион байгуулах гэрээ байгуулав.
Олон улсын шилжилт хөдөлгөөний байгууллагатай хамтын ажиллагааны гэрээ байгуулсан.
Чанарын менежментийн тогтолцооны ISO 9001:2015, Боловсролын байгууллагын менежментийн тогтолцооны ISO 21001:2018 стандартын нэвтрүүлэв.
- 2020СТАНДАРТ
НССТ-ийн үйл ажиллагаанд Боловсролын байгууллагын менежментийн тогтолцооны ISO 21001-2018 стандартыг нэвтрүүлэх ажлын эхлүүлэв. “Харилцан суралцах арга зүйн форум”-ыг амжилттай зохион байгуулав. Сургалтуудыг цахим хэлбэрт хөрвүүлж эхлэв. УА-тай хамтын ажиллагааны Санамж бичгийг байгуулсан.
- 2019ХӨТӨЛБӨР
НИТХ-ын 21/03 дугаар тогтоолоор “Нийслэлийн нутгийн захиргааны байгууллагын албан хаагчдын чадавх бэхжүүлэх хөтөлбөр” батлагдав.
НССТ-ийн урт болон богино хугацааны хөгжлийн зураглалыг боловсруулав.
Сургалтын үйл ажиллагаанд харилцан суралцах арга зүйг нэвтрүүлэв. Цахим сургалтын системийг хөгжүүлэв.
- 2018ЧАДАВХ
Чадавх бэхжүүлэх хөтөлбөрийг боловсруулав. Нийслэлийн нутгийн захиргааны байгууллагын албан хаагчдад зориулсан сэдэвчилсэн сургалтын гарын авлагуудыг боловсруулж, сургалтуудыг үе шаттайгаар зохион байгуулж эхлэв.
- 2017НЗДТГ
Нийслэлийн Сургалт, судалгааны төв үүсгэн байгуулагдав. Чадавх бэхжүүлэх хөтөлбөрийн загварыг боловсруулав. Хорооны албан хаагчдад зориулсан сургалт зохион байгуулав. 12 багштай сургалтын үйл ажиллагааг эхлүүлсэн.
- 2016СУРГАЛТ
Төслийн хүрээнд хорооны албан хаагчдад зориулсан сургалтын агуулга боловсруулав.
- 2015ТӨСӨЛ
Швейцарын хөгжлийн агентлагийн санхүүжилтээр Азийн сангийн “Хотын засаглалыг сайжруулах төсөл”- г хэрэгжүүлж эхлэв.
